رايح على المربد/ زين الحسن

الشاعر الغريب: شاعر مهجري راحل
يا شربل بعيني بهالمشوار
وحياة سر محبّتك يا جار
مش وحدك مسافر على بغداد
اللي مرافقينك بالتمنّي كتار
منهم نعيم وكامل وفؤاد
وعصمت وزين العاجز الختيار
والوالده.. وإخوانك الأمجاد
والصّحافه وعصبة الشعّار
يا بن مجدليّا الوفي المعتاد
تغازل عروس الشعر ليل نهار
بهالمرحله خلّي الغزل ع حياد
وعالج قضيّة شعب مجدو انهار
مش رايح تغنّي بفرح وعياد
ولا رايح تأمّن عروس الدّار
رايح على المربد رسول بلاد
شعبها معلّق مصيرو فيك
يا إبن تربتها الأمين البار
صدى لبنان، العدد 573**
إخوه أنا وانتيا شربل.. بإسم الشعر والموهبه
اللي حملتها بوجدانك الحر الأبي
بِدْعيك حتى تكمّل الرحله معي
ع درب وحده.. مش دروب مشعّبه
إخوه أنا وانتَ بقاموس الوعي
ومشعل هدايه لكل متفلسف غبي
ضايع بدنيا اللاشعور ومدّعي
إنو خليفة ابن مريم والنبي
وتا نرّجعو إنسان كامل ألمعي
ونحبّبو بأرضو الحنونه الطيّبه
لحقني على درب الهدى نجد السعي
ونرفع طموحاتو لأسمى مرتبه
ويا جاليتنا الطيبه لا تقطعي
حبل الرجا، من شعب ع الفطره ربي
القرآن ما بيقول: يا عايشه اخلعي
رقبة ابن جورجيت، أو بيت اخربي
ولا حلّل الانجيل قتلي ومصرعي
ولا قال يا مائير من دمو اشربي
ومن مقلعك شحفه وحجر من مقلعي
منرجع نعمّر بيت لبنان الجديد
ومنبدل المدفع بفكر ومكتبه
**
عتابايا شربل ارجع لعرشك ولو عود
وحقّق كل آمالك والوعود
وبأرض الوطن ازرعلك ولو عود
تركو تذكار لرجال الأدب
**
فخر الملهمينـ1ـ
يا شربل بعيني.. يا فخر الملهمين
مين اللي عنك قال شاعر بسّ مين
مش إنت شاعر.. إنت صاحب مدرسه
للشعر.. نزلت في سجلّ الخالدين
ـ2ـ
عطيت الشعر إبداع ما بعدو فنا
وعربشت فوق المجد.. هامك ما انحنى
وشوّقتني إمشي على دربك أنا
تا شـمّ من شعرك عبير الياسمين
ـ3ـ
يا بِنْ مجدليّا على الدرب القويم
خلّيك حامل راية الشّعب العظيم
ومهما طريقك طال.. والليل البهيم
يعبس بوجّك.. ضلّ لبناني أمين.
1994
**
راسخ الايمانيا شربل بعيني بهالميدان
خليك حدّي راسخ الايمان
ومهما تجن الريح لا تهتم
شو هم جوني من رحى الطوفان
وين الصفا؟ وبعدو وطنّا الأم
اللي كان مصدر نور للانسان
تنعشر سنه وجرحو بينزف دم
من سيف مرسال ورمح عثمان
وكيف بدّو شملنا يلتم
وبعد الخطيّه يطالنا الغفران
وقوّادنا فقدوا حواسي الشم
ومن فضل أللـه أصبحوا عميان
ويا جار، يا بن الخال، يا بن العم
يا رفاق دربي من قديم زمان
صلّو لأللـه تالسلام يعمّ
لبنان كلّو.. والملا كلّو
وجنّات كانت بالأمس لبنان
**
فخر الشعّارشربل .. يا فخر الشعّار
بلادي فيك بهنّيها
يا إبن تربتها البار
المن روحك عم تعطيها
في عندي منّك تذكار
صوره بقلبي مخبّيها
وكلما اشتقت عليك نهار
وبرنّلك.. ما بلاقيك
بْشيلا وبطلّع فيها
**
ألله ونقطة زيتـ1ـ
مع شربل وأللـه ونقطة زيت
وكم حرف شوقعهن فكر مجبور
منهن يعمّر للحقيقه بيت
تا يرد شعب من العتم للنور
ـ2ـ
خطوه وخطوه خلف منّو مشيت
تا شوف شو تأثيرها حروفو
وكلما ع لفّة كوع عنّو قفيت
موت الركض تا إلحقو وشوفو
ـ3ـ
لوين بعدو متوْهَر المسكين
ع درب بالاشواك مزروعه
تخمين مش عارف بعد تخمين
بتغنى الدني وفي ناس ما بتوعى
ـ4ـ
ويا شربل الكلّك وفا وشعور
وقلبك جبل مجبول بالإحساس
قبلك أنا يا ما حرقت بخّور
وما قدرت قوّم إعوجاج الناس
ـ5ـ
وليش عم تتعذّب وتشقى
تا تصلّح الما تصلّح بعمرو
خلّي البشر ع حالها تبقى
وتروك أللـه الحاكم بأمرو
**
ندوة حول أدب شربل بعينيـ1ـ
يسعد مساكن يا رسل لبنان
يسعد مسا الخيّات والإخوان
يسعد مساكن وين ما كنتو
يا زهور دوّخ عطرها نيسان
إنتو الأدب والشعر زيّنتو
معبد خلودو الشامخ البنيان
انتو دماغ الناس ديّنتو
من بحر عبر الدهر كنتو فيه
انتو الجزر والمد والطوفان
ـ2ـ
ويا رابطة.. البالشعر مهتمّه
وبالتراث.. وسمعة الأمّه
منبرك منحوت من ياقوت
وحولو رجال الفكر ملتمّه
وشاعر أنا، والشعر عندي قوت
للروح، للوجدان، للذمّه
وشربل صديق الروح يا بيروت
ومن واجبي شارك بتكريمو
وإهدي الوطن من فكرتو شمّه
ـ3ـ
يا إبن العز.. ياما النسر علاّ
وحدودك ما قدر جنحو وصلاّ
يا ناطح في النجوم الأزهريّه
ومجالك فسحة المعمور كلاّ
يا إبن الموهبه والعبقريّه
الوحي عنّك بِعمرو ما تخلّى
يا إبن الفكر والأسره الغنيّه
بمناقب شاف حالو المجد فيها
وعلى بابك ركع إجلال صلّى
ـ4ـ
شو بخبّرك عن سر وسواسي
البيشدني صوبك بإحساسي
يا بيت شاعر منبرو نبراس
لعشّاق شعرو النادر الماسي
شاعر تحدّى النار والمتراس
وما خاف من أصنام وكراسي
تا صار مشعل في عيون الناس
وثورة حقد ع الظلم والظلاّم
وأوّل ما لعبت خمرتو براسي
ـ5ـ
شاعر ترك ضيعه وهجر وادي
مردانها بالروح جوّادي
من بو علي ورشعين مع جوعيت
عطيت مروج الفكر زوّاده
متلك يا شربل في حماها ربيت
وخزنت من خيراتها زياده
وكرمالها لأقصى المهاجر جيت
حامل بقلبي جهنّم الأحداث
وحامل بعيني دمعة بلادي
سيدني 1986**